Yolanda Castaño  (Santiago de Compostela, 1977)
Unha das voces máis representativa da poesía galega do noso tempo, é licenciada en Filoloxía Hispánica pola UDC. Guionista, directora e presentadora do programa, Mercuria, (TVE-Galicia) sobre as vangardas artísticas galegas, na actualidade é presentadora dun concurso de contido cultural que se emite na TVG e compaxina este labor coa dirección da Galería Sargadelos da Coruña. Fundadora da revista Valdeleite e da editora Letras de Cal, desenvolve tamén un importante traballo como articulista no xornal Galicia Hoxe e a través da Axencia Galega de Noticias. Como poeta, traducida, entre outros idiomas ao francés, alemán, polaco e árabe, está en posesión dos premios Fermín Bouza Brey (1994), Johán Carballeira do Concello de Bueu (1997) e Premio da Crítica Española (1998).

No ano 2000 publica en castelán Vivimos en el cielo de las Erofanías (Huerga y Fierro) e no ano 2006 ve a luz o Libro de la egoísta (Visor). Obra poética: Elevar as pálpebras (Espiral Maior, 1995) Delicia (Espiral Maior, 1998) Vivimos no ciclo das Erofanías (Espiral Maior, 1998) Edénica (antoloxía persoal+CD) (Espiral Maior, 2000) O libro da egoísta (Galaxia, 2003) Profundidade de Campo (Espiral Maior, 2007)