A Facultade de Economía e Empresa da UDC acolle unha xornada sobre experiencias de empresas familiares.

O Salón de Graos da Facultade de Economía e Empresa da Universidade da Coruña acollerá mañá, venres, 13 de maio, desde as 11.00 horas, unha xornada organizada polas Cátedras de Empresa Familiar das Universidades da Coruña e Santiago, nas que se exporán diferentes experiencias deste tipo de empresas.

Asistirán como relatores Luis Fernández Somoza, do Grupo Azkar; Juan José Jaén Rodríguez, do Grupo Bricoking, e Emilio Pérez Nieto, do Grupo Pérez Rumbao e presidente da Asociación Galega de Empresa Familiar.

Fonte: http://www.udc.es