O reitor da Universidade da Coruña, Xosé Luís Armesto, asinará hoxe, venres, 21 de setembro, un convenio de colaboración con Óscar Valcuende Rodríguez, presidente da Asociación de Jóvenes Empresarios de A Coruña.

A firma do convenio terá lugar na Sala de Xuntas da Reitoría, ás 10:00 horas. O acordo ten, entre outros obxectivos, a finalidade de establecer un marco de colaboración para aproveitar e potenciar os recursos de ambas as dúas entidades dirixidos ao fomento da innovación, a formación e o asesoramento de novos empresarios e emprendedores para a creación e o desenvolvemento de empresas.

Fonte: udc.es