Os traballos de investigación “Glosario crítico da poesía medieval galego-portuguesa” do profesor da Facultade de Filoloxía Manuel Ferreiro Fernández e “Metodoloxía para a avaliación económica de parques eólicos offshore flotantes: aplicación a Galicia”, da profesora da Escola Politécnica Superior Laura Castro Santos resultaron gañadores dos IX Premios de Investigación Universitarios Concepción Arenal de Humanidades e González Llanos de Enxeñaría Naval, respectivamente.

A lectura do fallo do xurado tivo lugar onte no Concello de Ferrol, nun acto presidido polo seu alcalde, José Manuel Rey Varela, e pola vicerreitora do Campus de Ferrol e Responsabilidade Social, Araceli Torres. Ademais, estiveron presentes o concelleiro de Cultura, Manuel-Reyes García Hurtado e os membros dos xurados.

Cada un dos gañadores recibirá como premio 12.000 euros. Presentáronse á convocatoria un total de once proxectos, dos que oito eran da área das Humanidades e tres do ámbito da enxeñaría naval. Os premios están organizados conxuntamente entre o Concello de Ferrol e a Universidade da Coruña.

Fonte: udc.es