O profesor do departamento de Economía Financeira e Contabilidade Anxo Calvo Silvosa foi reelixido esta mañá decano da Facultade de Economía e Empresa co apoio do 79% da Xunta de Centro composta polo profesorado e representantes do estudantado e do persoal de administración e servizos.

A candidatura de Calvo Silvosa, única que se presentou, acadou a maioría absoluta na primeira volta e non foi necesario recorrer a segunda votación. Logo do prazo de presentación de reclamacións ao proceso, se os houber, proclamarase decano de forma definitiva o 16 de marzo. Anxo Calvo terá un novo mandato de catro anos de duración ao fronte da Facultade de Economía e Empresa que conta con preto de 2.500 alumnos e máis dun centenar de profesores.

Fonte: www.udc.es