Centro de Estudos Eurorrexionais Galicia - Norte de Portugal
Unha ferramenta ao servizo das universidades públicas da Eurorrexión Galicia - Norte de Portugal
Máis información
Mantente ao día das nosas novidades e eventos
O vindeiro mércores 18, no Edificio Politécnico do Campus de Ourense da Universidade de Vigo, celebrarase un congreso sobre o programa Iacobus. A xornada será inaugurada polo presidente da Xunta, Sr. D. Alfonso Rueda, e o titular da Comisión de Coordinación e Desenvolvemento Rexional do Norte de Portugal, Sr. D. António Cunha.
Este ano cúmprense unha década da posta en marcha do programa Iacobus, unha iniciativa pioneira na eurorrexión Galicia-Norte de Portugal que promove a cooperación e o intercambio de persoal docente, investigador, de administración e servizos no ámbito da educación superior galego e portugués.
O próximo día 18 de setembro, celebrarase no Campus universitario de Ourense, o “1º Congreso Científico do proxecto IACOBUS - “Red Iacobus - Consolidación da rede eurorrexional de coñecemento e innovación”. Este congreso está organizado pola Fundación CEER en colaboración coa Agrupación Europea de Cooperación Territorial Galicia-Norte de Portugal (GNP, AECT).
O Parque de Vista Alegre será o epicentro de dúas novas accións de voluntariado ambiental na Serra de Outes. Estas serán o sábado 21 e o domingo 29 de setembro, e consistirán na eliminación de especies invasoras e retirada de lixo do río Tins e o seu estuario, xa en espazo protexido da Rede Natura2000.
O proxecto CAPRIF-CC organiza o xoves día 12 na Estación Científica do Courel unha xornada formativa sobre micoloxía, certificacións forestais e protección da natureza. Estas áreas foran identificadas como “prioritarias” polos asistentes ao primeiro “Living Lab” para avanzar cara un modelo de xestión multifuncional do monte.
A 1ª xornada formativa do proxecto Comunidades Activas e Paisaxes Resilientes ante Incendios Forestais e Cambio Climático (CAPRIF-CC), convocada para o pasado 29 de xullo no Centro Social do Araño (Rianxo), foi aprazada e a súa nova data anunciarase en breve.
O proxecto Comunidades Activas e Paisaxes Resilientes ante Incendios Forestais e Cambio Climático (CAPRIF-CC) organiza o luns 29 de xulio a súa 1ª xornada formativa no Centro Social do Araño (Rianxo).
Tras o éxito da primeira convocatoria de “Youth4Cooperation: Embaixadores transfronteirizos”, ‘The Border Focal Point Network' anuncia a apertura dunha segunda convocatoria.
A Eurorrexión Galicia-Norte de Portugal continúa sendo unha das rexións transfronteirizas máis activas na captación de fondos europeos. Traballar a favor da cooperación transfronteiriza na Eurorrexión Galicia-Norte de Portugal é o compromiso prioritario da Fundación CEER.
A través de distintos programas europeos, dende a súa creación no ano 2004, a Fundación CEER participou no lanzamento e xestión de diferentes proxectos coa captación de máis de 20 millóns de euros para o financiamento de máis de 20 proxectos de cooperación.
A través da cooperación transfronteiriza eficiente gañamos todas e todos, nun clima de confianza mutua que consegue estimular os negocios e o traballo conxunto. Apostar pola intelixencia, no traballo, no esforzo e na inclusión, contribuíndo á transferencia do coñecemento, os avances e as ferramentas xeradas no marco das universidades ao servizo da sociedade.
