Con motivo da convocatoria da reunión do Padroado da FCEER, celebrouse o acto solemne de nomeamento do novo Presidente da Fundación CEER, ao Exmo. Prof. Dr. Sr. António Sousa Pereira, Reitor da Universidade do Porto.

Durante o período anterior, a Presidencia da FCEER estivo a cargo do Reitor en funcións da Universidade da Coruña, Prof. Dr. Xulio E. Abalde Alonso, quen trasferiu o cargo de Presidente ao seu homólogo portugués, o pasado día 11 de decembro.

Ao Presidente do Padroado correspóndelle a Presidencia da Fundación e será ocupada rotatoriamente por períodos de catro anos polos demais membros do Padroado, composto polos seis Reitores da Eurorrexión, alternando a orixe da presidencia a cada lado da Fronteira.

Quedan por tanto, catro anos de presidencia portuguesa do FCEER, que coincidirán coa a nacionalidade da presidencia da Eurorrexión Galicia-Norte de Portugal.

Coincidindo coa convocatoria do Padroado do CEER, foron tratados outros asuntos como a modificación puntual dos Estatutos da FCEER, para actualizar este texto á situación real e ordinaria da FCEER. Así como a exposición por parte da dirección da FCEER dos avances e éxitos acadados nos últimas dous anos, onde se constata a consolidación financeira e laboral da fundación.