O pasado día 24 de xaneiro celebrouse en Vigo, na sede da Agrupación Europea de Cooperación Territorial da Eurorrexión Galicia – Norte de Portugal, a reunión da Comisión de Avaliación das candidaturas ás convocatórias do Programa IACOBUS 2023-2024 - Publicacións Científicas (papers) e Estadías de investigación. A Fundación CEER estivo representada polo seu director, Profesor Ángel Miramontes. Creado en 2014, o Programa “IACOBUS” ten como obxectivo principal fomentar a cooperación e o intercambio entre os recursos humanos de universidades, centros tecnolóxicos e outras institucións de ensino superior da Eurorrexión Galicia–Norte de Portugal (Profesores; Investigadores; Persoal de Administración e Servizos (PAS); Xestores da Innovación; Técnicos de I+D+i), promovendo sinerxías e facilitando a posta en común e o desenvolvemento conxunto de actividades formativas, de investigación e de divulgación. Esta iniciativa da Eurorrexión, pioneira en Europa, é xestionada pola Agrupación Europea de Cooperación Territorial da Eurorrexión Galicia – Norte de Portugal, tendo a Fundación Centro de Estudos Euro Rexionais Galicia-Norte de Portugal (FCEER) como entidade socia, e conta con apoio da EU, a través do cofinanciamento do INTERREG VI - A España-Portugal (POCTEP) 2021-2027, proxecto 0030_RED_IACOBUS_1_E.