A UTAD visita á USC e á FCEER en Compostela.
O obxectivo da visita do 29 de febreiro foi mostrar o máximo compromiso de colaboración entre a Universidade de Trás-os-Montes e Alto Douro (UTAD), a Universidade de Santiago de Compostela (USC) e o Centro de Estudos Eurorrexionais (CEER), no desenvolvemento eurorrexional.
A delegación da UTAD estivo encabezada polo reitor da universidade, Prof. Doutor Emídio Ferreira dos Santos Gomes, acompañado polo Vicerreitor de Internacionalización, o Prof. Dr. Luís Manuel Morais Leite Ramos, a Prorreitora de Asociacións e Relacións Internacionais, Prof. Doutora Cristina Maria Teixeira Saraiva, o Prorreitor de Planificación, Territorio e Patrimonio, Prof. Dr. Ricardo Jorge e Silva Bento, e o Administrador da UTAD, Dr. José Miguel Pereira Gomes.
A delegación foi recibida pola dirección da Fundación CEER, director Prof. Dr. Ángel Miramontes Carballada, o Reitor da USC, Prof. Dr. Antonio López Díaz, e a Vicerreitora de Graos e Internacionalización da USC, Dra. María José López Couso, no despacho do Reitor da USC na súa sede do pazo de Fonseca.
A continuación, a delegación visitou as instalacións do "Centro Superior de Hospitalería de Galicia" (CSHG), onde foron recibidos polo seu director, D. José Paz Gestoso, e os membros do seu equipo, o subdirector e xefe de operacións de o CSHG, D. Luis Rial Sierra, a subdirectora de Docencia e Formación, dona Nuria Sánchez e o profesor responsable do Departamento de Cociña, Prof. Roberto Walther. Na visita ao CSHG participou asemade o director da Axencia de Turismo de Galicia, D. Xosé Manuel Merelles.
