Entre os días 28 de abril e 1 de maio terá lugar no Parque Natural da Serra da Estrela, en Portugal, un acampamento transfronteirizo organizado desde o proxecto europeo Erasmus+ “Vemo-nos no monte!”. Durante tres días, máis de medio cento de participantes de distintos puntos de Galicia e Portugal participarán en accións prácticas de eliminación de especies exóticas invasoras, sesións de formación e debate e un foro de iniciativas cívicas na zona cero dos incendios que afectaron o centro de Portugal o verán pasado.

O sábado 15 de abril inícianse en Outes as intervenciones de voluntariado ambiental para a renaturalización do río Tins, no marco do proxecto Renatur_Outes. Nesta primeira xornada plantaranse medio cento de ameneiros (Alnus glutinosa) nas marxes do río, co obxectivo de minimizar a erosión nos periodos de inundacións e restaurar o hábitat prioritario de bosque de ribeira.

O pasado venres 3 de marzo celebrouse en Outes o seminario de inicio do proxecto Renatur_Outes, financiado pola Fundación Biodiversidad do Ministerio para a Transición Ecolóxica e o Reto Demográfico no marco do Plan de Recuperación, Transformación e Resiliencia (PRTR), financiado pola Unión Europea-NextGenerationEU.

Comezan os traballos para a creación da estratexia de reordenación e integración ambiental, dentro do proxecto Renatur_Outes. Trátase de crear unha estratexia ao longo de casi 1,5 km do río, con carácter amplio, diversificado e cunha perspectiva de futuro.

O venres 3 de marzo celebrarase a partir das 11:30 no Centro Social da Serra de Outes o Seminario de Inicio do proxecto Renatur_Outes [1,2] que nos próximos anos traballará para a recuperación ambiental do río Tins ao seu paso polo núcleo urbano de Outes.

O proxecto "Vémonos no Monte!" está cofinanciado polo programa Erasmus+ da Unión Europea e, partindo do concepto desenvolvido dende 2017 por Verdegaia, establecera durante os anos 2022 e 2023, unha rede transfronteiriza de acción e educación de brigadas deseucaliptizadoras voluntarias en Galicia e no Norte de Portugal.