A Universidade da Coruña e a empresa ALSA colaborarán en diversas actividades académicas, segundo o convenio que asinaron o reitor, Xosé Luís Armesto, e o xerente da empresa de transportes, Javier González Pérez.

Segundo o acordo, que se concretará en convenios específicos, a empresa ofrecerá a súa colaboración para a realización de prácticas externas, prácticas de campo ou proxectos de fin de carreira do estudantado da Universidade da Coruña. Ademais, a comunidade universitaria (alumnado, profesorado e persoal de administración e servizos) obterán vantaxes nos servizos de ALSA da liña regular.

Finalmente, a empresa comprométese a analizar a mobilidade do alumnado da UDC e das operacións de ALSA de cara á Universidade da Coruña para buscar solucións máis axeitadas para un mellor servizo de transporte universitario.

Fonte: udc.es