A Facultade de Ciencias do Deporte e a Educación Física da Universidade da Coruña obtivo a certificación de Zona cardioprotexida que emite a Fundación ZONASCARDIO, auspiciada pola SEMICYUC (Sociedad Española de Medicina Intensiva, Crítica y Unidades Coronarias).

Esta facultade obtivo a citada acreditación pola súa iniciativa de cardioprotexer os seus espazos e pola súa contribución ao Plano Nacional Integral de Cardioprotección. Entre outras iniciativas este centro formou o seu persoal investigador e docente e aos seus socorristas en técnicas de reanimación cardiopulmonar e dotou as súas instalacións de equipos desfibriladores (DESA), que autorizou para o seu uso a Fundación Pública de Urxencias Sanitarias. Ademais a Facultade está a difundir dito plano entre outros posibles usuarios do mesmo, contribuíndo á cardioprotección no ámbito universitario, empresarial, educativo e deportivo.

Fonte: udc.es