Oficina CEER
 07-11-2016
JOSÉ LUIS GÓMEZ PON EN ESCENA ESTE MARTES LA MEDIA NOCHE, DE VALLE-INCLÁN

O actor e director da compañía madrileña Teatro de la Abadía, José Luis Gómez, porá en escena este martes 8 no Auditorio de Galicia unha obra pouca coñecida e profundamente innovadora de Valle-Inclán, La Media Noche, na que conta a súa visión como correspondente no bando aliado da I Guerra Mundial.

O Teatro de La Abadía é o creador deste espectáculo, titulado ‘Valle-Inclán: visión estelar de un momento de guerra’, no que se fía o texto de 1917 para respectar e representar o ideal soñado do autor, isto é, contar a alma descarnada dun autor que mira a terra dende a súa estrela, fóra do tempo e do espazo. Fará a presentación o profesor da USC e director da Real Academia Española, Darío Villanueva.

Esta representación forma parte dos actos conmemorativos do 150 aniversario do nacemento de Ramón del Valle-Inclán (1866-1936) que organiza a Cátedra Valle-Inclán da USC.

As entradas -8 euros- están xa á venda na billeteira do Teatro Principal e poderán adquirirse o mesmo día da función no Auditorio de Galicia.

Fonte: xornal.usc.es